Tres alumnos do noso centro foron premiados no concurso de debuxo «Todos á San Martiño–Veolia», unha iniciativa na que participaron escolares de diferentes centros educativos de Ourense co obxectivo de fomentar a creatividade e a expresión artística arredor da emblemática Carreira Popular de San Martiño.

A través dos seus debuxos, o alumnado tivo a oportunidade de representar a súa particular visión desta tradicional cita deportiva da cidade, combinando arte, deporte e imaxinación.
O noso alumnado premiado foi:
2.º da ESO:
- Andre Conde Iglesias
- Nihad Aboufaris El Khadim
6.º de Educación Primaria:
- Mohamed Errahali
O alumnado estivo acompañado polo profesor de Educación Física Felipe Iglesias e pola titora de 6.º de Educación Primaria María Conde.
Desde o centro queremos transmitirlles os nosos máis sinceros parabéns por este merecido recoñecemento, destacando o seu talento, esforzo e creatividade.
Parabéns aos tres! Estamos moi orgullosos de vós!
