O alumnado de 3º e 4º da ESO participou recentemente en dous talleres formativos financiados polo Concello de Ourense. As sesións estiveron centradas en dous ámbitos de grande importancia para a formación integral do estudantado: a prevención de accidentes e os primeiros auxilios.
A través destas actividades, o alumnado puido achegarse a contidos prácticos e útiles para saber como actuar ante situacións de risco ou emerxencia, ao tempo que tomou conciencia da importancia da prevención no día a día.
Desde o centro queremos expresar o noso agradecemento ao Concello de Ourense polo seu apoio e colaboración, facendo posible a realización destas iniciativas educativas de grande valor para o noso alumnado.
