O alumnado de 5 anos participou recentemente no obradoiro de saúde bucodental “Mira que boca!”, unha actividade organizada pola Área Sanitaria de Ourense, Verín e O Barco de Valdeorras dentro do programa de saúde bucodental en Atención Primaria.
Ao longo da sesión, os nenos e nenas aprenderon a importancia de manter uns bos hábitos de hixiene oral e coñeceron diferentes medidas de prevención das enfermidades bucodentais. A través de explicacións adaptadas á súa idade e actividades prácticas, traballaron aspectos fundamentais relacionados co coidado diario dos dentes e a saúde da boca.
Esta iniciativa busca fomentar hábitos saudables desde a infancia e concienciar ao alumnado sobre a importancia da prevención e do autocuidado para manter unha boa saúde bucodental.
