O pasado luns, o alumnado da ESO participou nunha xornada sobre seguridade viaria organizada polo Concello de Ourense a través da Concellería de Educación.
A actividade estivo coordinada por Fina Lage, responsable dos programas de educación viaria, e contou coa participación de destacados profesionais:
- Estrella Garrido, xefa de sección de seguridade viaria da Xefatura Provincial de Tráfico de Ourense.
- Javier Cabrera, sarxento de tráfico da Garda Civil.
Durante a sesión, o alumnado aprendeu aspectos fundamentais sobre a seguridade nas estradas, a importancia do respeto ás normas de tráfico e boas prácticas como peatóns, ciclistas e futuros condutores.
A xornada resultou moi enriquecedora, fomentando a responsabilidade e a conciencia viaria entre os nosos mozos e mozas.
