O alumnado de 4º da ESO participou na II Feira Educativa de Ourense, unha iniciativa orientada a facilitar a toma de decisións sobre o seu futuro académico e profesional.
Durante a visita, os estudantes tiveron a oportunidade de coñecer de primeira man a ampla oferta de Formación Profesional, así como as propostas formativas das tres universidades galegas. Esta experiencia permitiulles achegarse a distintas opcións educativas e ampliar a súa visión de cara ás posibilidades que se lles presentan nesta etapa.
A actividade resultou moi enriquecedora, xa que contribuíu a que o alumnado poida tomar decisións con maior información, seguridade e confianza, abrindo a mente a novas oportunidades.
