O proxecto “Fálame da emigración”, organizado por Afundación, comezou coa primeira actividade, na que un grupo de persoas sénior visitaron ao alumnado de 4.º da ESO. Durante o encontro, compartiron as súas vivencias persoais fóra de Galicia, permitindo ao alumnado coñecer de primeira man historias de esforzo, adaptación e aprendizaxe.
Esta experiencia resultou moi enriquecedora, promovendo o diálogo interxeracional, o respecto pola memoria histórica e un intercambio de experiencias que conecta pasado e presente de maneira directa e emotiva.
