Esta mañá tivo lugar no noso centro a entrega do premio “Vídeos pola Igualdade 2026”, un recoñecemento ao traballo do alumnado no ámbito da igualdade e a tecnoloxía.
O premio foi concedido ao alumnado de 1º da ESO, xunto coa súa profesora María José Gil, polo seu talento, creatividade e compromiso.
O acto contou coa participación de Rianna, representante da Cátedra ALDABA, e de Alma Gómez, en representación das universidades colaboradoras, quen fixeron entrega do galardón.
Este concurso, organizado pola Cátedra ALDABA-WIB en colaboración coas universidades galegas, consistía na creación dun vídeo curto para promover a igualdade no ámbito das TIC, fomentando a participación das mozas neste sector e contribuíndo a romper estereotipos.
Dende o centro queremos felicitar ás persoas premiadas polo excelente traballo realizado.
