O 2 de abril conmemórase o Día Mundial da Concienciación sobre o Autismo, unha oportunidade para visibilizar o TEA e reforzar o compromiso cunha educación inclusiva, equitativa e con sentido. Desde o colexio, traballamos para educar na comprensión, no respecto e na empatía, valores fundamentais para recoñecer a diversidade como unha riqueza. Sensibilizar sobre o autismo beneficia a todo o alumnado, xa que fomenta competencias emocionais, sociais e éticas que melloran a convivencia e fortalecen a comunidade educativa.
Dende o Departamento de Orientación promovemos actividades adaptadas a todas as etapas a través da acción titorial, visitamos a biblioteca para descubrir lecturas sobre o TEA e realizamos unha acción simbólica pintando as mans de azul. Con pequenos xestos como estes, construímos cada día unha escola máis xusta, aberta e preparada para acoller todas as realidades.
