Hoxe, 10 de outubro, Día Mundial da Saúde Mental, o noso colexio súmase á conmemoración coa actividade “Coloreamos cerebros”, realizada polo alumnado de 4º de ESO B e da Unidade de Educación Especial, baixo a idea de que non existen dous cerebros iguais e cada persoa vive, aprende e sente dun xeito único.
O mural colectivo resultante recolle información sobre diferentes trastornos mentais co obxectivo de promover a psicoeducación, derrubar prexuízos e fomentar o respecto pola diversidade mental.
Desde o centro apostamos por coidar o benestar emocional e cumprir con esta responsabilidade educativa, e o Departamento de Orientación mantén as súas portas abertas para asesorar e acompañar alumnado, profesorado e familias. “Coidar a saúde mental é cousa de TOD@S.”
