O pasado 23 de febreiro celebramos no salón de actos do centro unha charla-coloquio sobre o Parlamento de Galicia, dirixida ao alumnado de 3º e 4º da ESO.
A actividade contou coa participación dos exdeputados e exdeputadas Roberto Castro García, María Tereixa Paz Franco e Pablo Xavier López Vidal, que compartiron a súa experiencia e explicaron o funcionamento da institución que representa o pobo galego.
Tras as súas intervencións, abriuse unha quenda de preguntas na que o alumnado puido formular as súas dúbidas e reflexións, xerándose un diálogo enriquecedor sobre democracia, participación e representación institucional.
Este tipo de iniciativas permiten achegar as institucións á mocidade e fomentar unha cidadanía crítica, informada e comprometida.
