Tres ex-diputados do Parlamento de Galicia Tereixa Paz Franco, Roberto Castro García e Pablo Xabier López Vidal visitaron o colexio para participar nunha sesión divulgativa para o alumnado da ESO organizada polo Parlamento de Galicia e a Asociación de Ex-parlamentarios e que enmárcase no noso programa de actividades como Escola Embaixadora do Parlamento Europeo.
Durante a sesión, os ex-parlamentarios explicaron a historia e as funcións da cámara autonómica, os órganos que a integran e a súa relación coa cámara estatal e co Europarlamento.
Despois das intervencións dos convidados, o alumnado formulou preguntas para ampliar o seu coñecemento destas cámaras, o que lles vai axudar no seu desempeño como mentores e embaixadores do Parlamento Europeo e no exercicio dos seus dereitos e os seus deberes como cidadáns.
Grazas por esta oportunidade!
Para saber máis sobre o Parlamento de Galicia, descarga este PDF nesta ligazón.
