O noso colexio deu inicio ao seminario «Afondando na atención á diversidade», composto por unhas xornadas formativas para o profesorado centradas na educación inclusiva. O programa comezou cunha sesión sobre DUA 3.0 (Deseño Universal para a Aprendizaxe), impartida pola Nosa especialista en audición e linguaxe, Isabel Cachaldora. Onte, realizamos outra sesión sobre TEA (Trastorno do Espectro Autista), a cargo de Laura G. Barreiros e Marta Dios Moreno, do Centro de Atención Psicosocial Marlau de Ourense.
Ambas sesións proporcionáronnos estratexias e recursos valiosos para atender a diversidade do alumnado, contribuíndo á construción dunha escola cada vez máis inclusiva. Foi unha experiencia moi enriquecedora para todo o profesorado.
