O Ministerio de Educación abriu a convocatoria de axudas para alumnado con Necesidades Específicas de Apoio Educativo (NEAE) para o curso 2025-2026. Estas axudas están pensadas para apoiar ás familias e garantir que todo o alumnado poida recibir a educación que necesita.
No noso centro poden solicitalas os alumnos e alumnas de Educación Infantil, Primaria e ESO que teñan cumpridos 2 anos antes do 31/12/2024 e presenten algunha das seguintes condicións: discapacidade (igual ou superior ao 25%), TEA, trastornos graves de conduta (TGC), trastornos graves da linguaxe e comunicación, TDAH asociado a discapacidade ou TGC, ou Altas Capacidades Intelectuais.
As axudas cobren gastos de ensinanzas, transporte, comedor, material escolar, reeducación pedagóxica ou da linguaxe, entre outros.
A solicitude faise en liña en:
🌐 www.educacionyfp.gob.es
🌐 https://sede.educacion.gob.es
Prazo: do 30 de abril ao 11 de setembro de 2025.
Se tedes dúbidas ou necesitades apoio para facer a solicitude, non dubidedes en contactar co equipo de orientación do centro. Estamos aquí para axudarvos.
