A avaliación de diagnóstico é unha avaliación do sistema educativo establecida na lei educativa estatal para todas as comunidades autónomas. Trátase dunha ferramenta para contribuír á mellora da calidade e da equidade da educación a través do coñecemento do grao de adquisición das distintas competencias por parte do alumnado.
Analizaranse as competencias matemática, en comunicación lingüística: Lingua Galega, Lingua Castelá e Lingua Estranxeira (Alemán, Inglés e Francés segundo a matrícula do alumnado), en Xeografía e Historia, en Ciencias Experimentais e en Coñecemento do Medio Natural, Social e Cultural.
A todo o alumnado de 4º curso de educación primaria e 2º curso de educación secundaria obrigatoria de todos os centros educativos de Galicia. Non é unha avaliación do alumnado. Polo tanto, non hai datos nin cualificacións individuais, non hai información que incorporar ao expediente académico do alumno/a e non existirán informes con orientacións individualizadas. En conclusión, a avaliación de diagnóstico non ten ningún efecto académico.
