Viernes, 13 de Enero de 2017 11:05

PARTICIPAMOS NO PROXECTO ERASMUS K3 + ATS 2020

Comprácenos informarvos da nosa participación no proxecto europeo Erasmus + K3 ATS2020 no que colaboran 250 escolas de 11 países! Os alumnos da ESO, supervisados pola profesora Beatriz Nieto,  serán os beneficiarios deste proxecto piloto cuxo obxectivo é desenvolver e avaliar as competencias transversais no proceso de ensino e aprendizaxe.


Que significa ATS2020?

Son as siglas en inglés de Assessment of Transversal Skills 2020 (Avaliación das Competencias Transversais 2020). 

 

Que comprende este proxecto?

Este proxecto pretende analizar e pór en práctica as conclusións achadas en proxectos anteriores (K1 e K2) sobre a avaliación e traballo por competencias na ensinanza; atópase dentro das iniciativas Erasmus + a desenvolver antes do ano 2020 (Horizonte 2020).

 

Quen participa no proxecto?

Participamos 35 centros de España, todos de Galicia. En total somos 17 socios e a nivel europeo tan só fomos escollidas 250 escolas, eso sí, de 11 países diferentes!

 

Quen son os socios do proxecto?

Pois miraide a seguinte fotografía! De seguro que a maioría vos sonan... importantes, non sÍ?


socios proxecto


 

Que obxectivos persegue?

O proxecto busca mellorar o desenvolvemento e a avaliación de competencias transversais do alumnado.

Mediante o emprego da plataforma Mahara traballaremos diversas competencias: alfabetización informativa, colaboración na comunicación, creatividade e innovación, alfabetización dixital e aprendizaxe autónoma.


ats2020


competencias ats2020


 

O noso traballo será revisado polos coordinadores autonómicos do proxecto e os resultados, trala realización de dous test, formarán parte das conclusións finais que se presenten a nivel europeo.

Para saber máis, visita o blog "Little Historiadores" de Beatriz Nieto ou consulta o PDF a continuación.

 

 

 

 

 

Ultima modificacion el Viernes, 13 de Enero de 2017 20:18

Video relacionado